Hum Galat The

Hum to yu hi nikal pade the
Hawaon ki rukh ke sang; 
Socha gunguna lenge tarane masti ke,
Bana lenge bahane yaari ke,
Rang denge is duniya ko -
Apne hi rang.

Bekhayal lage gairon ko apnane;
Dosti ishq wafa ke vaade nibhane;
Hum to umeedon ke silsilon mein lage behne -
Koi mohabbat ka vaada humse bhi nibha lega,
Humein bhi dost bana lega,
Humari bhi bechainiyon ko gale laga lega.

Itni zor se cheekh lagayi haqiqat ne - 
Seham gaye hum apni masoom tabiyat mein;
Humari rago se garmahat hi kheech li ho kisi ne;
Ek thandi khauf dastak deti hai dhadkano mein.

Kya galat ho gaya humse jane anjane mein,
Aas hi toot gayi ho jaise - 
Ab kya ubhrein kisi ke samjhne se;
Hum ne to aitbaar kiya tha insaniyat pe,
Koi bata deta ki hum galat hain - 
To daav na lagate is zamane se.