Chaand

Tumse jyada koi khoobsoorat nahi,

Tumse jyada mujhe kisi se mohabbat nahi - 

Waqt to gair hai - kisi ke liye thehra nahi. 

Tum roz aate ho, mujhe pyar ki chandni mein bhigo jaate ho;

Tumse jyada mujhe kisi pe aitbaar nahi.

Tumse jyada mujhe kisi ka intezaar nahi.

Tera Bhi Aur Mera Bhi

Ishq ke mausam mein

Sard hawaon sang 

Chahat ki garmahat mein

Dilon ko seka hai

Ye kissa tera bhi hai, mera bhi.

Nazron ki guftgu mein

Chand ki roshni sang

Mohabbat ki aagosh mein

Na bichadne ka vaada kiya hai

Ye fasana tera bhi hai, mera bhi.

 

Agar naseeb na tha unka saath -

To mehsoosa hi kyu -

Ye shikayat teri bhi hai, meri bhi.

Agar bewafa hi thi mohabbat - 

To hui hi kyu -

Dil to toota hai tera bhi aur mera bhi.